Dinamo pranë akordit me ish-mesfushorin e Tiranës

Marin Abazaj është emri i ri që qarkullon te Dinamo. 20 vjeçari ka dalë nga Akademia e Tiranës, ndërsa është aktivizuar te Pogradeci në Kategorinë e Parë duke u kthyer në një lider të mesfushës. Abazaj te liqenorët zhvilloi 18 ndeshje në sezonin e fundit.

Duket se Bledi Shkëmbi e ka pikasur lojtarin dhe e dëshiron te “Nëndetësja” për sezonin e ri. Edhe pse te Blutë nuk ka asnjë reagim për trajnerin e ri, duket se korçari do prezantohet së shpejti bashkë me emrat që janë përzgjedhur për të qenë pjesë e grupit. Deri tani nga Dinamo janë zyrtarizuar vetëm largime, për t’i hapur rrugë afrimeve të elitës.