Komisoni i Apelit në UEFA ka pezulluar përkohësisht procedimin disiplinor kundër klubeve të Juventusit, Real Madridi dhe Barcelonës që vazhdojnë të mbështesin idenë e Superligës Evropiane.
Institucionin numër 1 të futbollit evropian më 25 Maj nisi procedimin ndaj klubeve ‘rebele’ duke i kërcënuar ato për sanksione sepse i akuzonte për shkelje të kuadrit juridik.
Tani Juvja, Barça dhe Reali nuk rrezikojnë pjesëmarrjen në Ligën e Kampioneve. Vendimi nga Komisioni i Apelit erdhi pas lajmërimit nga autoritetet kompetente zvicerane se nuk mund të merrej asnjë sanksion.
Sipas mediave të huaja, UEFA u tërhoq pas urdhrit të lëshuar nga Gjykata e Madridit që ndalonte seksionet e që kërkon edhe një qëndrim nga Gjykata Evropiane.
UEFA lajmëroi se për momentin tërhiqet pasi respekton ligjet e Bashkimit Evropian. Projekti i Superligës Evropiane u nis nga 12 klube.
Nëntë prej tyre u tërhoqën brenda 48 orëve nga lajmërimi i krijimit të saj, ndërsa dy klubet spanjolle dhe “Zonja e Vjetër” vazhdojë që ta mbështesin idenë. Për momentin ka paqe mes klubeve ‘rebele’ dhe institucionit nr 1 të futbollit evropian. Ndoshta deri në vendimin përfundimtar të gjykatës, problemi mund të jetë zgjidhur.
