Shehaj mesazh demokratëve: Pa ndryshuar Kreun e PD, nuk ka fitore ndaj Ramës

Agron Shehaj, kandidati për Kryetar i PD në zgjedhjet e 13 qershorit, iu drejtuar me një mesazh anëtarësisë së kvsaj partie, 3 ditë para zhvillimit të votimit.

Ndërsa vijon takimet me anëtarësinë nv degë të ndryshme të PD, Shehaj shprehet se nëse nuk ndryshohet lidershipi, atëherë Partia Demokratike nuk do të fitojë.

Shehaj shkruan në rrjetet sociale se demokratët duhet të zgjedhin, nëse do të shkojnë me të njëjtin ekip në zgjedhjet e ardhshme apo do të provojnë një ekip të ri.

“E vërteta është e thjeshtë: shqiptarët nuk e votuan për kryeministër liderin e Partisë Demokratike, nuk janë dhanë besimin ekipit të sotëm të lideshipit të Partisë Demokratike. Kjo gjë tani ka marrë fund.

Ajo që demokratët kanë në dorë është të zgjedhin a do shkojnë me të njëjtin ekip në zgjedhjet e ardhshme apo do provojnë një ekip të ri.

Unë jam i bindur se pa ndryshuar lidershipin Partia Demokratike nuk fiton dot. Prandaj ju ftoj të votoni ndryshimin më 13 qershor. Të votoni për ta bërë PD-në përsëri”, shkruan Shehaj.