Detaje të reja dalin nga krimi makabër në Dragostunjë të Librazhdit ku Qemal Bici, pasi vrau me sëpatë bashkëshorten e tij Menturie Bici u vetrëvarë në një pemë në oborrin e shtëpisë.
Sipas të ëmës së viktimës, Qemal Bici e dhunonte rregullisht Menturie Bicin dhe ishte vazhdimisht i alkoolizuar.
Në një intervistë për media Hatixhe Rruplli, nëna e viktimës ka thënë se nuk do t’a fali kurrë dhunën e ushtruar dhe vrasjen e të bijës së saj.
“Më këputi shpirtin, pse të ma bëjë këtë gjë. Fëmijët i ka marshalla si yje, 100 mijë herë e kam denoncu. Ndaje po se deshe ndaje i thosha, po jo të ma vrasi. Nuk ke punë të vrasësh fëmijën tim se nuk ja ke dhënë ti jetën. Unë si nonë nuk e fal gjakun e hasmit, kurrë në botë, ai t’më vrasë fëmijët unë t’a fal? Jo nuk ndodh kurrë kjo gjë”– u shpreh e ëma e viktimës.
