Italia në telashe, mesfushori dëmtohet dhe humbet Europianin

Roberto Mancini merr një goditje të rëndë pak përpara se Italia të debutojë në Euro 2020 me Turqinë në “Olimpico”. Lorenzo Pellegrini ka shfaqur një dëmtim pas stërvitjes së djeshme me skuadrën dhe analizat e detajuara konfirmuan një problem muscular, dëmtim i përsëritur në kofshën e majtë.

Bëhet fjalë për një problem fizik që lojtari e ka pësuar që në derbin ndaj Lazios më 15 Maj dhe fatkeqësisht për të është një dëmtim që do disa javë për t’u rikuperuar ndaj dhe lojtari humbet Kampionatin Europian.

Federata Italiane siç bëhet e ditur ka njoftuar UEFA-n dhe ka bërë kërkesë për ta zëvendësuar lojtarin me një tjetër, Gaetano Castrovilli i cili ka qenë në listën paraprake të Mancinit.

Kjo është goditja e dytë që merr Italia për shkak dëmtimesh pasi edhe Sensi shfaqi problem fizike çka detyroi stafin e trajnerit që ta zëvendësonte atë me Pessinan e Atalantës.

Kujtojmë që nesër në mbrëmje, Italia do të hapë edhe Kampionatin Europian me Turqinë në “Olimpico” në ndeshjen e vlefshme për Grupin A.