Deputeti i zgjedhur i Partisë Demokratike, Mark Marku e ka cilësuar jo normal vendimin e parlamenit për të shkarkuar Presidentin e republikës, Ilir Meta.
Në një lidhje me emisionin ‘Opinion’ Marku tha se nuk mund t’i kërkohej metës në fushatë elektorale të sillej si presidenti i Gjermanisë, në një kohë që Rama po manipulonte procesin zgjedhor në Shqipëri.
‘Akti është shumë i rëndë, sepse është një prcedent që nuk ka ndodhur në historinë e Shtetit Shqiptar. E dyta sepse ajo çfarë do të duhej të ishte një debat politik për mënyrën se si ai e luan rolin e presidentit, sepse në 30 vite në Shqipëri çdo president e ka luajtur ndryshe rolin e tij. Të gjykosh mënyrën se si presidenti e interpreton rolin, por mos i kërkojmë presidentit që të interpretojë rolin si presidenti i Gjermanisë sepse kemi të bëjmë me kryeministrin e shqipërisë i cili rrezikon demokracinë e vendit përmes manipulimit të votave. Jo vetëm kryeministri i Shqipërisë ka dnërhyrë në fushatë elekorale, por edhe Presidenti i Turqisë ka ndërhyrë në zgjedhjet në Shqipëri. Nëse Gjykata Kushtetuese nuk e miraton raportin e parlamentit, atëherë i bie që e ka shkelur parlamenti Kushtetutën’, tha Marku.
