Kuvendi voton sot për shkarkimin e Metës

Kuvendi pritet të shkarkojë sot Ilir Metën nga posri i Presidentin. Nëse deputetët do të votojnë pro këtij shkarkimi, Meta bëhet Presidenti i parë në historinë shqiptare që shkarkohet nga detyra.

Në seancën e sotme do të votohet raporti i Komisionit Hetimor Parlamentar, i cili ka propozuar dhe vendimin për Kreun e Shtetit. Nga ana tjetër, Presidenti Meta nuk e ka njohur këtë nismë të mazhorancës, madje e e ka cilësuar nul dhe anti kushtetuese.

Ndërkohë Partia Socialiste e ka cilësuar si domosdoshmëri për të “çliruar Presidencën nga një pengmarrje”. Sipas mazhorancës kjo kërkesë nuk ka ardhur me qëllim që kjo e fundit të caktojë në krye të presidencës një emër nga radhës e saj, ku kreu i Grupit Parlamentar të PS-së, Taulant Balla, ka thënë se emri i ri i Presidentit do të bëhet në bashkëpunim me Kushtetutën.

Kjo është nisma e dytë përmes një komisioni të dytë hetimor që ngrihet për hetimet e shkeljeve kushtetuese për Ilir Metën brenda 2 viteve, ku mazhoranca kërkon shkarkimin e tij nga detyra. Ngritja e këtij Komisionit Hetimor, nuk është njohur nga vetë Meta, i cili përmes zëdhënësit të tij u shpreh se “s’do tolerojë asnjë intimidim nga mafia lokale e ndërkombëtare” dhe se ky vendim ishte antikushtetues dhe antiligjor.

Ndërkaq Meta ndonëse është thirrur nuk ka pranuar të shkojë në asnjë mbledhje të komisionit.