Kuvendi miraton me 104 vota pro raportin kundër Ilir Metës

Kuvendi ka miratuar me 104 vota pro raportin kundër Presidentit Ilir Meta.

Ndërsa me votimin e fshehtë me kuti, Kuvendi do të vendosë nëse duhet të shkarkojë ose jo nga detyra Presidentin, Gramoz Ruçi tha se kundra raportit të paraqitur nga Komisioni Hetimor kanë votuar 7 deputetë dhe 2 vota ishin abstenim, dhe 1 votë e pavlefshme pasi deputeti kishte zgjedhur 3 opsionet.

Në raportin e Komisionit Hetimor kërkohet shkarkimi i Ilir Metës nga posti i Presidentit me argumentin se ai ka shkelur Kushtetutën gjatë ushtrimit të detyrës.

Nëse edhe në votimin e fshehtë deputetët do të votojnë pro shkarkimit, duke arritur shifrën e 94 votave, atëherë vendimin final e ka Gjykata Kushtetuese.