Partizani kërkon Julian Shehun. Mesfushori luftarak i Laçit përfundon kontratën me kurbinasit në 30 qershorin e këtij viti dhe nuk ka rinovuar me bardhezinjtë.
Ashtu siç raporton newsport.al, klubi i kuq kërkon Julian Shehun, me Ilir Dajën që ka vënë “veton” për të pasur në grup lojtarin.
Situata e Shehut është e njëjtë si ajo e Imamit, me lojtarët që janë një dëshirë e Demave. Dyshja është në fundin e kontratës me klubet respektive, ndërsa priten zhvillime të mëtejshme.
Shehu u bashkua me Laçin në 2019 nga Kastrioti, teksa ka qenë pjesë e moshave të Shqipërisë. 22 vjeçari ka dalë nga moshat e Partizanit, ndërsa është aktivizuar edhe në Greqi me Paniliakos.
