Do trafikonin 400 kg hashash, policia spanjolle shkatërron bandën e shqiptarëve

Forcat e policisë në provincën e Almerias (qyteti juglindor i Spanjës) kanë arrestuar nëntë persona dhe kanë shkatërruar një bandë shqiptare të drogës, e cila po planifikonte të transportonte 400 kg hashash, duke e fshehur brenda një transformatori elektrik të tensionit të lartë.

Mendohet se droga kishte si destinacion Italinë.

Sipas EuroWeekly News, hetimet zbuluan se banda po përpiqej të merrte nën kontroll fermerët e paligjshëm të marihuanës në të gjithë rajonin perëndimor të Almerisë.

Në një njoftim për shtyp të policisë, raportohet se anëtarët e bandës, të gjithë me kombësi shqiptare, kishin lidhje me ‘Sacra Corona Unita’, një organizatë famëkeqe mafioze nga rajoni italian i Pulias.