Barcelona kërkon të përforcojë mbrojtjen, tenton kapitenin kuqezi

Alessio Romagnoli është në listën e dëshirave të drejtuesve të Barcelonës. “Mundo Deportivo” e shkruan këtë, sipas të cilës kapiteni i Milanit, që ka vetëm një vit kontratë të mbetur me kuqezinjtë, i përgjigjet profilit që klubi Blaugrana po kërkon. Sikurse dihet, presidenti Joan Laporta nuk ka mundësi të shpenzojë shumë para.

Romagnoli, agjenti i të cilit është Mino Raiola, tani për tani ka refuzuar propozimin e Milanit për një zgjatje të kontratës në fuqi, duke pritur të shikojë përreth.

LEXO EDHE  Shpëtim Duro surprizon me formacionin, ja si rreshtohet Laçi përballë Anderlecht

“Mundo Deportivo”, gjithashtu nënvizon se Raiola ka një marrëdhënie të mirë me Laporta, president i Barcelonës. Në operacion, për të joshur Milanin, klubi katalanas mund të përfshijë mbrojtësin e gjithanshëm, Junior Firpo. Sidoqoftë, Romagnoli pëlqen Manchester United, PSG dhe Tottenham.