“Pinte birra dhe dilte në fshat duke thënë se kishte vrarë motrën”, detaje nga krimi në Shkodër

Dy ditë më parë u zbulua në Shkodër një krim brenda familjes, ku vëllai Fabian Vukaj, kishte ekzekutuar me një armë me silenciator, motrën e tij, Diana Vukaj.

Lidhur me krimin e rëndë janë zbuluar detaje. Gazetarja Etleva Delia në emisionin Opinion tha se nga të dhënat dyshohet se 58-vjeçarja u vra më datë 4 qershor e gjatë kësaj kohe, vëllai bënte një jetë normale, dilte luante bilardo e konsumonte alkool.

55-vjeçari dyshohet se e vrau të motrën e cila jetonte në Gjermani, pasi ajo kishte porositur mobilie për shtëpinë në Shkodër dhe atë në Velipojë, që siç tregon gazetarja, përdoreshin nga vëllai i saj, sepse vetë Diana jetonte në Gjermani.

Mirëpo duke qenë një njeri i alkoolizuar dhe bixhozçi, ai i donte paratë në dorë dhe duket se në sherr e sipër e qëlloi të motrën për vdekje. Deliu tha në “Opinion” se fillimisht kishin qenë punonjësit e mobilierisë, të cilët e telefonin gruan për t’i thënë se porosia ishte gati, por në telefon u dilte vëllai i saj që u thoshte të mos telefononin kot, se nuk ajo nuk do t’u përgjigjej.

Madje sipas gazetares, 55-vjeçari u kishte thënë edhe të tjerëve se e kishte vrarë të motrën, por duke qenë se njihej si konsumues alkooli, nuk e kishin besuar…