Maliqi: Vota ime nesër do jetë kundër shkarkimit të Presidentit

Deputeti Lefter Maliqi ka shprehur publikisht votën kundër shkarkimit të Presidentit Ilir Meta në seancën plenare të ditës së nesërme.

Sipas Maliqit, seanca parlamentare e së Mërkurës, kur socialistet pritet të votojnë për shkarkimin e kreut të shtetit, do futet në histori si turpi dhe dështimi më i madh parlamentarizmit në vend.

“Vota ime neser do jete kunder shkarkimit te Presidentit, kunder turpit te ketij parlamenti te kapur e keqperdorur keto 2 vite. Mos u habisni nga shoë dhe fleterrufeja ndaj Presidentit pasi nga ai parlament i kthyer ne estrade cfare nuk keni pare, qeshur e degjuar keto 2 vite”, shprehet Maliqi në një reagim në rrjetet sociale.

“Me votat e ketyre jane votuar PPT duke pasuruar oligarket dhe qeveritaret, eshte votuar prishja e marrveshjes se 5 Qershorit ne rezidencen Amerikane, ku me pas u prishen koalicionet dhe u krye masakra me e madhe elektorale me blerje, manipulime, presione. U votua KCK duke i perdorur nen presion bandat per zgjedhjet e 25 Prillit”, shton ai.

“Vendin e ka mbuluar krimi ne qeveri ne parlament, sfilatat ne drejtesi dhe varferia e pasiguria ne vend ku burri vret gruan, vellai motren, vjehrri dhendrin, shoku shokun, vrasje ne dere ne banese, ne makine, ne rruge, grabitje, vjedhje, droge etj. Seanca parlamentare neser do futet ne histori si turpi dhe deshtimi me i madh parlametarizimit ne vend”, e mbyll reagimin deputeti.

Një grup deputetësh socialistë kërkuan shkarkimin e kreut të shtetit pas zgjedhjeve me pretendimin se ai ka shkelur Kushtetutën me deklaratat e tij. U ngrit një Komision i Posaçëm Hetimor që konkludoi se Presidenti ka shkelur Kushtetutën. Ditën e nesërme, në Kuvend do të votohen projektvendimet për miratimin e raportit të komisionit dhe shkarkimit të Metës nga posti i Presidentit të Republikës.

Nga ana tjetër, Meta e ka cilësuar komisioni jolegjitim dhe është shprehur se do të vijojë punën në krye të Presidencës deri në përfundim të mandatit.