Kryeministri i Kosovës, Albin Kurti, ka reaguar pas vendimit të konfirmimit të burgimit të përjetshëm të Ratko Mlladiç, për krimet e kryera mbi popullsinë civile në Srebrenicë.
Kurti tha se vendimi është një kujtesë se mohimi serb i krimeve të kaluara në Kosovë duhet të marrë fund.
“Krimineli famëkeq i luftës, Ratko Mlladiç, i njohur si ‘kasapi i Bosnjës dhe Hercegovinës’, dënohet me burgim të përjetshëm për gjenocid. Serbia e fshehu dhe e portretizoi atë si një hero. Por ky vendim është një kujtesë se mohimi serb i krimeve të së kaluarës në Bosnje dhe Hercegovinë dhe Kosovë duhet të marrë fund”, shkroi Albin Kurti në Twitter.
