Këshilltari juridik i Presidentit Meta, Bledar Dervishaj, e ka cilësuar si nul çfarëdo vendimi që të marrë Kuvendi nesër për Presidentin Meta.
Dervishaj tha se përballja do të vazhdojë në Gjykatë Kushtetuese dhe se Presidenti do jetë në detyrë deri më 24 korrik 2022.
“Ajo që kërkon ligji dhe Kushtetuta midis dy organeve është shprehja e vullnetit nëpërmjet akteve zyrtare. Dhe që prej nisjes së këtij komisioni ose iniciativës së 49 deputetëve të Kuvendit të Shqipërisë për të inicuar një komision hetimor për të tretën herë brenda një legjistrature, Presidenti i është përgjigjur me komunikim shkresor të gjitha komunikimeve të Kuvendit që kanë ardhur në drejtim të tij, duke ua bërë të ditur të gjitha shkeljet procedoriale, duke i kërkuar në mënyrë të përsëritur disa herë për t’u kthyer në shtratin e kushtetutës dhe të ligjit, sepse veprimtaria që po ndërmerrte karakterizohet nga një tërësi veprimesh proceduriale që nuk duhet të ekzistonin, dhe këtë nuk e thotë Presidenti, por këtë e thotë Kushtetuta, e thotë edhe rregullorja e Kuvendit të Shqipërisë”, tha ai në emisionin “A-Show”.
Sipas tij, kjo nismë parlamentare që bie në kundërshtim me ligjin, nuk ka se si të sjellë rezultat ndaj Presidentit
Dervishaj deklaroi se Presidenti do te jetë në detyrë deri më 24 korrik 2022.
“Edhe nëse nesër shkohet me vendimrarrje si shumë ligje me karakter antikushtetues, ky vendim nuk ka asnjë efekt dhe përballja e palëve për fat të keq, sepse Kuvendi po i fut palët në një luftë të re, do të zgjidhet në Gjykatën Kushtetuese. Pra dita e pasnesërme do të jetë një ditë e zakonshme”, shtoi ai.
DENONCO