Burri e vrau pasi dyshonte se e tradhtonte me drejtorin e shkollës, kjo është 53-vjeçarja fatkeqe

Menturie Bici, 53 vjeç, u masakrua për vdekje nga bashkëshorti i saj, Qemal Bici 56 vjeç, i cili pas krimit të rëndë u gjet i varur në një pemë pranë banesës.

Sipas të dhënave paraprake ka dyshime se krimi i rëndë të ketë ardhur si rrjedhojë e një xhelozie mes çiftit, ndërsa mësohet se çifti ka pasur konflikte edhe më parë por që nuk i kanë ndjekur në rrugë ligjore.

Autori i këtij krimi pinte shpesh alkool, ndërsa dyshimet i kishte se bashkëshortja e tij e tradhtonte me ish drejtorin e shkollës në Dragostunjë, ky i fundit pas disa konfliktesh ishte transferuar në një shkollë tjetër, raporton abcnews.

Çifti kishte 4 fëmijë, ndërsa ka qenë djali i tyre 18-vjeçar që i ka gjetur të vdekur dy prindërit. Ai mësohet se pak para krimit, po pinte një kafe disa kilometra larg banesës, ndërsa kur është kthyer është përballur edhe me tragjedinë në fjalë. Ka qenë pikërisht djali i vogël i familjes ai që ka njoftuar policinë pasi ka gjetur të vdekur të dy prindërit. Ndërkohë djali tjetër ndodhet në Angli dhe është njoftuar për ndodhinë e rëndë në familjen e tij. Ndërsa dy vajzat e çifti jetojnë njëra në Tiranë ndërsa tjetra në Greqi.

Ndërkohë policia ka ngritur një grup hetimor dhe po punon për të zbardhur të plotë ngjarjen.