Vrasja e Gramoz Memajt, u qëllua nga 4 persona/ Ja pista ku po heton policia

Biznesmeni Gramoz Memaj mbeti i vrarë mbrëmjen e së dielës në Ksamil, si pasojë e një atentati. Memaj u qëllua pranë banesës së tij, ndërsa për shkak të plagëve të marra ndërroi jetë.

Nga raportimet, që i referohen burimeve nga grupi hetimor, dyshohet që ngjarja të ketë ndodhur për larje hesapesh.

Kjo është edhe pista kryesore ku është fokusuar policia. Dyshohet se ndaj viktimës është qëlluar nga katër persona.

Ndërkaq, arma e përdorur në krim është e tipit pistoletë. Gramoz Memaj ishte nga Tepelena dhe njihej si biznesmen në zonën e Ksamilit.

Mësohet se Memaj jetonte vetëm me të ëmën dhe nuk ishte i martuar.