Gati tri javë pas rikthimit të turistëve britanikë në Portugali, shumë prej tyre u larguan sot me nxitim për në BM, ditën e fundit para rivendosjes së karantinës ndaj saj.
Këtë fundjavë, nisjet u përshpejtuan nga vendimi i Londrës për të vendosur sërish, nga e marta, karantinën për udhëtarët nga Portugalia, gjë që shkaktoi radhë në aeroportin e Faro-s, në rajonin turistik, veçanërisht i populluar nga pushuesit britanikë.
“Vetëm të shtunën, rreth 10 000 britanikë u larguan nga Faro për në BM”, tha për median lokale kreu i Turizmit të rajonit Algarve.
Kryeministri portugez, Antonio Costa kritikoi të dielën masën e marrë nga qeveria britanike si “e justifikuar” dhe që shkaktoi “dëme serioze” për turistët britanikë, si edhe për ekonominë e vendit të tij.
“Vendimi i qeverisë britanike është katastrofik për turizmin portugez, veçanërisht në një kohë kur sektori po përjetonte një rimëkëmbje”, reagoi Konfederata portugeze e Turizmit në një deklaratë.
Që nga 17 maji, Portugalia ishte i vetmi vend në Bashkimin Europian që figuronte ndër vendet dhe territoret e pakta të përjashtuara nga karantina me kthimin e tyre në Britaninë e Madhe.
