Pyetja e kongresmenit Zelden/ Vasili: Zhgënjyese përgjigja e Blinken për implikimin e Soros në vendimin për Berishën

Në lidhje të drejtpërdrejtë me Çim Peka Live, nënkryetari i LSI, Petrit Vasili, ka komentuar edhe atë që ishte lajmi i mbrëmjes, pyetjet që kongresmeni Lee Zelden i bëri Sekretarit Amerikan të Shtetit, Amtony Blinken, lidhur mbi shpalljen non grata të ish-kryeministrit Berisha, pyetje që nuk morën përgjigje, çka ngriti edhe më shumë pikëpyetje lidhur mbi vendimin e DASH.

‘Jam i lumtuar që Amerika që njohim u shfaq sërish, sepse ishim në një dyzim nëse kishte ndryshuar objektiviteti amerikan. Ato parime që rregullojnë politikën, jetën në Amerikë, mënyrën e rregullimit shoqërisë dhe politikës, a janë fajktet ato që përcaktojnë gjithçka. Dhe sot besoj që janë shumë të më kumtuar se disa ditë më parë sepse mënyra se si u ndërtua ky debat evokonte këto momente të rëndësishmë. Sigurisht jam i zhgënjyer nga niveli i përgjigjes që dëgjova dhe sigurisht që u shokova nga përgjigja e fundit e Sekretarit të Shtetit, për Soros.

Kurrë nuk mund të mendoja që një drejtues i atij niveli të mos kishte kurajon që të përjashtonte në mënyrë kategorike që në DASH nuk ka dhe nuk mund të ketë influenca të individëve privatë siç ishte fjala për z. Soros.

Dhe një përgjigjë defensive kaq e fortë ‘Unë jo’, por për të tjerët nuk vë dorën në zjarr, pra DASH është lehtësisht i ndikueshëm në këtë drejtim sigurisht kjo ishte për fat të keq për të gjitha hamendjet për një qëndrim politik dhe që u thelluan edhe më shumë nga përgjigja që i dha sot DASH gazetës ‘Sot’, ku pohoi që burimet e marrjes së vendimit ishin media, OJQ, dhe vetë qeveria antikorrupsion e Edi Ramës. Te qeveria antikorrupsion e Edi Ramës vetëm pak më parë, po lexoja që vetë DASH e ka cilësuar Shqipërinë e Edi Ramës si vendin më të përshtatshëm për të zhvilluar trafiqe’