“Enver Hoxha ishte burrë shteti”!
Deklarata u bë ketë të Hënë nga deputeti i PS Spartak Braho, në një emision televiziv.
Duke u ndaluar te arsimi, Braho tha se “arsimi ka qenë më mirë atëherë se tani”.
“Si profesor ky është koncepti im, po kthehemi në një kohë injorantësh s’dimë as të flasim, as të shkruajmë. Për mua Enver Hoxha ishte burrë shteti, diktator, vrau, preu, por ishte burrë shteti”, deklaroi ai.
“Nocioni burrë shteti s’niset nga pozicionet shtetërore, por ndryshimet e mëdha që ka sjellë në një elitë që vjen në krye të shtetit”, shtoi ai.
I pyetur nëse periudha e diktaturës nën drejtimin e Enver Hoxhës “ka qenë më shumë pozitive apo negative, ka bërë gjëra më të mira apo të këqija”, ai u përgjigj: “Shumë të mira”.
“Fakti që shqiptarët ishin të kequshqyer kjo ishte arritje”, u pyet më tej ai. “Jo”, u përgjigj Braho, megjithatë nuk e tërhoqi deklaratën e tij se “Enver Hoxha ishte burrë shteti”.
Kur ju quajnë enverist është ofendim apo reklamë politike?
“Unë përfaqësoj një shtresë dhe është normale, përfaqësoj shtresën e familjes që ka qenë e rreshtuar … unë kam tre dëshmorë në shtëpi”, u përgjigj Braho. Më tej, shtoi se kur i vënë këtë etiketim nuk është as ofendim e as reklamë politike. “Enverizmi ka vdekur bashkë me Enverin”, u shpreh më tej.
DENONCO