Policia e Durrësit ka vënë në pranga dy drejtues mjeti të cilët drejtonin makinën në gjendje të dehur.
Burimet policore njoftojnë se një 42 vjeçar duke drejtuar mjetin tip “Benz”, në gjendje të dehur ka përplasur një 33 vjeçar dhe është larguar nga vendi i ngjarjes, ndërsa mësohet se shtetasi i lënduar me iniciale E.K. ndodhet në spitalin e traumës në Tiranë në kujdesin e mjekëve.
Gjithashtu njoftohet se është vënë në pranga shtetasi E. H., 40 vjeç, banues në Fier, pasi është konstatuar në segmentin rrugor Thumanë – Fushë Krujë, duke drejtuar mjetin tip “Skoda”, në gjendje të dehur.
Materialet i kaluan Prokurorisë së Rrethit Gjyqësor Durrës, për veprime të mëtejshme.
