Një ndeshje boksi të peshave të rënda është kthyer në arenë lufte mes tifozëve të pranishëm të cilët nuk i mbajtën grushtet dhe shkelmat në drejtim të njëri tjetrit.
Në Magderburg të Gjermanisë u zhvillua sfida midis boksierit Kevin Xhonson dhe Agit Kabajel ku fitues doli ky i fundit.
Pas ndeshjes, plasi një sherr masiv ku nuk dihet ende arsyeja e vërtetë që nisi konfliktin. Në sallë ishin të pranishëm 1 mijë tifozë të cilët kishin kaluar disa protokolle kundër Covid-19 për të ndjekur nga afër duelin e peshave të rënda.
Në pamjet e publikuara në rrjetet sociale, shikohet se si palët janë ndarë në dy grupe dhe qëllojnë dhunshëm njëri tjetrin, madje dhe me karrige.
https://twitter.com/i/status/1401474347483676679