Deputeti Agron Shehaj, i cili kandidon për kreun e PD-së në zgjedhjet e 13 qershorit, u shpreh se opozita humbi në 25 pril sepse nuk krijoi frymë.
E ndërsa Lulzim Basha, i cili synon mandatin e tretë për drejtimin e PD-së, e konsideron masakër zgjedhore atë që ndodhi më 25 prill, Shehaj qartazi ndan një tjetër mendim, duke u shprehur se humbja erdhi pasi nuk u krijua fryma ndaj elektoratit gri.
“Ne humbën sepse ne nuk krijuam frymë. Ne nuk bindëm ata njerëz që janë gri, që janë biznesmen apo janë njerëz pa interesa partiake.
Ne nuk krijuam frymë sepse nuk bëmë korrupsionin temën kryesore të fushatës dhe nuk bëmë kontrast moral me kundërshtarin.
Sa herë që PD ka ardhur në pushtet ka ardhur si forcë morale. Nën drejtimin tim, PD do kthehet tek vlerat dhe tek morali: në krye të saj do të jenë njerëz me integritet që nuk ja vë njeri në dyshim, me aftësi dhe me përkushtim.
Në PD do të vlerësohet puna, do të vlerësohet aftësia, do të vlerësohet ndershmëria”, shprehet Shehaj.
DENONCO