Autoritetet greke shkatërruan një bandë shqiptare, e cila një nga degët e saj të shpërndarjes së kokainës e kishte në ishullin e famshëm Mykonos.
Në pranga ranë 4 trafikantë në Mykonos dhe një tjetër në Athinë që konsiderohet “truri” i të gjithë grupit kriminal.
Pas monitorimit për një kohë relativisht të gjatë, nën monitorimin me dron nga ajri, strukturat e policisë greke vendosën dje që të ndërhynin duke bastisur godinën ku grupi kishte bazën duke i arrestuar.
Mediat greke kanë publikuar pamjet e momentit të ndërhyrjes, ndërsa lëvizjet e trafikantëve kontrolloheshin nga ajri me dron.
Autoritetet greke goditën duke shkatërruar një bandë shqiptare që një nga degët e saj të shpërndarjes së kokainës e kishte në ishullin e famshëm Mykonos. Në pranga ranë 4 trafikantë në Mykonos dhe një tjetër në Athinë që konsiderohet “truri” i të gjithë grupit kriminal.
Pas monitorimit për një kohë relativisht të gjatë, nën monitorimin me dron nga ajri, strukturat e policisë greke vendosën dje që të ndërhynin duke bastisur godinën ku grupi kishte bazën duke i arrestuar. Mediat greke kanë publikuar pamjet e momentit të ndërhyrjes (kliko këtu), ndërsa lëvizjet e trafikantëve kontrolloheshin nga ajri me dron.
Shefi i grupit kriminal sipas mediave greke ishte një shqiptar i skeduar për disa ngjarje kriminale duke filluar nga grabitje, tentativë vrasje, arratisje nga spitali i burgut duke hapur zjarr në drejtim të policisë, armëmbajtje, drogë dhe vepra të tjera penale.
Por në 2015 ai ishte lënë i lirë pasi i ishte pezulluar dënimi me 25 vite, që iu ul nga 47.6 vite në total.
Hetimet
Hetimi për grupin filloi në tetor 2020 kur një ankesë arriti në Departamentin e Sigurisë së Atikës në lidhje me disa shqiptarë, të cilët ishin aktivë në trafikimin e sasive të drogës, kryesisht kokainë, në Athinë dhe po përgatisnin një degë në Mykonos.
Hetimi zbuloi ekzistencën e një grupi kriminal, të strukturuar në mënyrë operative dhe me veprimtari të vazhdueshme kriminale, anëtarët e të cilit trafikonin kokainë dhe kanabis. Mafiozët blerjen e kokainës e bënin në Holandë.
Në fund të Prillit, anëtarët e bandës realizuan blerjen dhe transportin e 3 kilogramëve kokainë prej 28,000 euro për kilogram nga Holanda dhe e transportuan duke e fshehur në një makinë, ndërsa dega e grupit në Mykonos funksiononte me “klientë të zgjedhur”.
Goditja e grupit u realizua ditën e djeshme. Forca të shumta policie të ndihmuar edhe nga një dron arritën që të arrestonin katër persona. Në të njëjtën kohë në Athinë u kap “truri” i grupit kriminal, i cili fillimisht refuzoi kontrollin nga policia duke ikur me vrap, por u prangos pas ndjekjes.
Nga operacioni u kontrolluan 4 shtëpi në ishull dhe 4 në Athinë ku u sekuestrua kokainë, kanabis, peshore elektronike, një pistoletë, fishekë, një makinë dhe 6865 euro.
Shefi i grupit kriminal sipas mediave greke ishte një i skeduar për disa ngjarje kriminale duke filluar nga grabitje, tentativë vrasje, arratisje nga spitali i burgut duke hapur zjarr në drejtim të policisë, armëmbajtje, drogë dhe vepra të tjera penale.
Por në 2015 ai ishte lënë i lirë pasi i ishte pezulluar dënimi me 25 vite, që iu ul nga 47.6 vite në total.
