Urdhëri i kryeministrit Edi Rama për shkatërrimin e objekteve paleje në zonën bregdetare, do nisë zbatimin ditën e nesërme. Lajmin e dha kryeinspektori i IKMT-së Ajet Zyberaj, duke bërë me dije se operacioni do nisë në Ksamil dhe Velipojë, njëkohësisht.
Ai është shprehur se nuk do ketë asnjë tolerim, ndërsa shton se objektet që janë pjesë e operacionit variojnë nga 1 deri në 5 kate, me struktura beton-arme dhe të lehtësuara. Zyberaj njofton se në Velipojë janë planifikuar të prishen rreth 15 objekte të tilla, ndërsa në Ksamil rreth 30.