Policia e Durrësit ka dhënë detaje në lidhje me grabitjen e një pike karburanti në autostradën Tiranë- Durrës, në zonën e Fllakës.
Policia bën me dije se dy persona i kanë marrë me dhunë një shumë parash punonjësit të karburantit i cili mbledh lekët e xhiros ditore, por pa specifikuar shumën.
Policia dhe grupi hetimor po punojnë për identifikimin dhe kapjen e autorëve.
Njoftimi i plotë: Durrës / Informacion paraprak
Më datë 06.06.2021, në autostradën Tiranë- Durrës, në Fllakë, në sheshpushimin e një karburanti, dy persona me dhunë i kanë marrë një sasi lekësh shtetasit, i cili mbledh lekët e xhiros së karburantit dhe janë larguar me një mjet.
Menjëherë në vendngjarje kanë shkuar Efektivet e Policisë të cilët kanë ngritur pika kontrolli dhe po punojnë për kapjen e autorëve.
Gjithashtu në kuadër të zbulimit të plotë të rrethanave të ngjarjes janë shoqëruar dëshmitarë nga vendi i ngjarjes.
