Arrestohen gjashtë persona në Tiranë, policia jep detajet

Gjashtë persona janë arrestuar për vepra të ndryshme penale në Tiranë.

Burimet policore bëjnë me dije se janë arrestuar shtetasit, A. Z., 24 vjeç dhe E. Ç., 23 vjeç, sepse gjatë kontrollit të mjeteve me të cilët udhëtonin, në kohë dhe vende të ndryshme, shërbimet e Forcës së Posaçme “Shqiponjat” gjetën një sasi me lëndë narkotike kanabis.

Gjithashtu njoftohet se është arrestuar në flagrancë  F. L., 41 vjeç, pasi u kap duke drejtuar mjetin pa leje qarkullimi, K. H., 28 vjeç, G. B., 46 vjeç dhe J. B., 36 vjeç, pasi u kapën duke drejtuar automjetet e tyre në gjendje të dehur.