Mediat e huaja shkruajnë se një 3-vjeçare, ka vdekur pasi e ëma e ka lënë për më shumë se tri orë të mbyllur në makinë, për t’u kujdesur për kanabisin që e kishte fshehur në një godinë.
Policia thotë se e ka gjetur të asfiksuar vogëlushen e quajtur Jessica Campos, pasi temperature brenda në makinë, ishte rreth 37 gradë. Nëna e vajzës, e identifikuar si Eustajia Mojica Dominguez, 28 vjeçe, është arrestuar nga policia, e po akuzohet për neglizhencën e treguar ndaj të bijës.
Gjatë kontrollit në godinën që shpesh frekuentonte 28-vjeçarja, policia ka gjetur 80 fidanë me bimë kanabis, si dhe rreth 215 kilogramë kanabis të përpunuar.
