Aksidenti fatal në Elbasan, ja kush është viktima

Një aksident më pasojë vdekje u regjistrua pasditen e së premtes në Elbasan.

Në fshatin Tregan të Elbasanit, një autobus me rreth 15 pasagjerë ka pësuar defekt.

Sipas raportimeve të para mediatike, në momentin që mjeti pësoi defekt, një pasagjere, nga frika dhe paniku është hedhur për të shpëtuar. Por, këtë të Shtunë, policia konfirmoi se ajo nuk është hedhur, por u rrëzua nga mjeti.

Si pasojë e plagëve të marra, gruaja – Mimoza Kasa, 47-vjeç dhe nënë e tre fëmijëve, është transportuar me urgjencë në drejtim të spitalit të Elbasanit, por pavarësisht ndihmës së mjekëve ndërroi jetë.

Këtë të Shtunë, policia konfirmoi arrestimin e drejtuesin e mjetit, duke deklaruar se ai ka kryer manovra të rrezikshme.