Patrik Bardhi largohet nga Kastrioti, pranë firmës në kryeqytet

Patrik Bardhi është një nga lojtarët më të kërkuar në Kategorinë Superiore. Sulmuesi i talentuar i dha fund aventurës te Kastrioti dhe tashmë është lojtar i lirë.

Në media është përfolur për një transferim të mundshëm të tij te Kukësi. Megjithatë gjithçka mbetet në kuadrin e aludimeve sepse deri më tani s’ka asgjë zyrtare.

LEXO EDHE  Sulmi në dyshim, Brdariç vë “piketat” për formacionin titullar ndaj AEL

Burime të besueshme tregojnë se 23-vjeçari prej kohësh është në radarin e Dinamos. Madje drejtuesit kryeqytetas janë në tratativa me të për ta veshur “Blu” në edicionin e ri futbollistik.

Për shtatlartin ka pasur shumë interes, teksa në verën e vitit të shkuar edhe trajneri Ilir Daja e kërkoi në skuadrën e Partizanit.