FOTO/ Pjesë e projektit për sezonin e ri, brazilianët e Partizanit shijojnë bukurinë e bregdetit të jugut

Lucas Cardoso dhe Stenio Junior kanë zgjedhur të kalojnë bashkë këtë periudhë pushimesh të verës. Dy sulmuesit brazilianë kanë postuar foto në rrjetet sociale ku shfaqen në një nga hotelet e presidentit Gaz Demi.

Ata janë pjesë e projektit për sezonin e ri futbollistik dhe kësisoj kanë zgjedhur që ditët e lejes, t’i shfrytëzojnë në bregdetin e jugut.

Kujtojmë që Junior surprizoi me performancën e tij në Kategorinë Superiore. I afruar në merkaton e dimrit, sulmuesi brazilian shkëlqeu duke u përshtatur më së miri me skemat e trajnerit Ilir Daja.

Një dëmtim dy javë para fundit e la atë jashtë fushe. Megjithatë tashmë është rikuperuar dhe pritet të japë kontributin e tij në Kupat e Europës.