A do të hapen negociatat mes Shqipërisë dhe BE? Ja mesazhi që vjen nga Holanda

A do marrë Shqipëria dritën jeshile për negociatat me Bashkimin Europian? E ndërsa Kryeministri Edi Rama duket se po forcon lidhjet me Turqinë, ndërsa hera herës shton dozat e kritikave ndaj Bashkimit Europian, vendet anëtare të Unionit po shqyrtojnë progres-raportin e Komisionit Europian lidhur me Shqipërinë dhe Maqedoninë e Veriut.

Komisioni sugjeron hapjen e negociatave, sikundër ka disa vjet që bën të njëjtin propozim, por negociatat nuk hapen.

Disa nga vendet anëtare të BE shprehim skepticizëm lidhur me përmbushjen e kushteve nga Shqipëria, ndërsa Kryeministri Edi Rama, i cili kohë më parë hapte edhe shishet e shampanjës për të festuar vendimet imagjinare, ia hedh fajin pikërisht këtyre vendeve, duke e lidhur kundërshtinë me situatat e brendshme politike në këto shtete.

Një nga vdnet skeptike është Holanda, e cila në qëndrimet e mëparshme ka vënë theksin te kriminaliteti, veprimtaria e grupeve kriminale, dhe mosveprimi i shtetit ligjor.

Gjermania i vendosi Shqipërisë 15 kushte, që po të analizohen një nga një, vështirë se janë përmbushur.

Në qershor të këtij viti, pritet të mbahet konferenca ndërqeveritare ku do të diskutohet hapja e negociatave për anëtarësimin në BE të Shqipërisë dhe Maqedonisë së Veriut.

Ambasadorja holandeze Guusje Korthals Altes ka shmangur një përgjigje direkte nëse vendi i saj do të votojë pro hapjes së negociatave.

Atles deklaroi se Holanda është duke studiuar raportin që ka dërguar Komisioni Europian për progresin e Shqipërisë sa i përket anëtarësimit në BE dhe më pas mund të ketë një përgjigje. Më tej ajo nuk dha detaje të reja rreth kësaj çështje.