Kombëtarja e lë me pasoja, dëmtohet Ferhan Hasani

Ferhan Hasani luajti vetëm 8 minuta në miqësoren e Maqedonisë së Veriut kundër Sllovenisë. Lojtari i Partizanit u dëmtua në hundë gjatë një përplasje në dyluftim në ajër.

Fantazisti i kuq është shfaqur me fasho, ndërsa duket i nxirë dhe në pjesën e poshtme të syve. Ndryshe nga klubi kryeqytetas, te kombëtarja e Maqedonisë së Veriut, Hasani ka gjetur hapësira.

Ai u transferua te Partizani në merkaton e dimrit me shumë bujë, por deri më tani nuk ka arritur të tregojë vlerat e tij.

LEXO EDHE  “Pafshim vëllezër”, lojtarët brazilianë tallen me eliminimin e Argjentinës

Në skemën që përdor trajneri Ilir Daja, 30-vjeçari nuk ka mundur të tregojë gjithë potencialin që zotëron. Në media është përfolur për një krisje të marrëdhënieve të tij me trajnerin Ilir daja, megjithatë kjo pritet të mësohet vetëm në ditët e ardhshme.