Interesi i “big-ëve” të Superiores dhe 100 mijë euro në lojë, klubi i elitës “fërkon duart”

Devid da Silva është dëshira e madhe e klubeve të Superligës. Tirana, Partizani dhe Kukësi janë pas sulmuesit të Kastriotit, që sezonin e fundit zhvilloi vitin më të mirë në karrierë duke shënuar 10 gola.

Sulmuesi brazilian është dëshirë e “big-ëve” të Superligës, me krutanët që nuk e shesin lojtarin pa 100 mijë euro.

Da Silva ka kontratë me Kastriotin deri në verën e vitit që vjen, ndërsa veç tre emrave më sipër për të interesohet edhe Teuta.

Ndryshe nga emrat e tjerë, durrsakët e kërkojnë lojtarin për në Europë, duke mos dashur të shpenzojnë. Në vitin e parë larg Brazilit, sulmuesi 25 vjeçar ka bërë për vete disa skuadra.