Policia e Tiranës ka arrestuar një 19-vjeçar, brenda Spitalit Ushtarak të Tiranës, pasi është kapur me kanabis në xhep.
Në prangat e policisë ka rënë shtetasi me iniciale M. Idrizi, i cili ka bërë sjellje të dyshimta brenda ambienteve të spitalit.
Mësohet se kanë qenë qytetarët, të cilët kanë njoftuar policinë që qëndron e stacionuar në hyrje të spitalit.
Burimet policore bëjnë me dije se gjatë kontrollit fizik, 19-vjeçari i është gjetur dhe sekuestruar rreth 7 gram kanabis. Dyshohet se i riu merrej me shitje të kanabisit në zonën e spitalit.
