Vrasja në Tepelenë/ Ende asnjë gjurmë nga autorët

Policia nuk ka mundur të bjerë ende në gjurmët e autorit të vrasjes së, Çajup Selimit, edhe pse gjatë natës janë ushtruar kontrolle në disa zona ku mendohej se ishin fshehur.

Kujtojmë se 45-vjeçari u ekzekutua në derën e pallatit ku banonte në lagjen “15 Shtatori”, mbrëmjen e të martës, 1 qershor.

Forca të shumta të patrullës “Shqiponjat” dhe oficerë të hetimit të krimit ndodhen në Tepelenë për kontrollin e zones, ndërsa mësohet se në të gjitha akset janë ngritur postblloqe ndërsa forca të shumta policie kanë zbarkuar nē të gjithë qytetin, derisa të bëhet i mundur dhe kapja e autorit ose autorëve.

Informacionet paraprake thonë se autorët mund te jenë larguar pasi me herët po të njëjtat burime thanë se ata fshiheshin në nje prej pallateve të lagjes por policia ka krehur gjithë lagjen dhe ende nuk ka arritur të bjerë në gjurmë te autorëve të vrasjes.