Morgan Freeman feston sot ditëlindjen e 84-të

Ylli i Hollywood-it, aktori Morgan Freeman, feston sot ditëlindjen dhe mbush plot 84 vjet jetë.

Freeman prej vitesh është përkushtuar në maksimum në industrinë e filmit, si aktor dhe regjisor. Ai ndër vite njihet për një numër të madh rolesh në projekte të ndryshme filmike. Morgan Freeman ka marrë edhe një numër të madh çmimesh, përfshirë edhe ato më prestigjiozet.

Ai u vlerësua me çmim “Academy Award”, “Golden Globe Award” dhe “Screen Actors Guild Awar”. Ndër projektet më të suksesshme filmike ku ai ka aktruar janë: “Driving Miss Daisy”, “The Shawshank Redemption”, “Million Dollar Baby”, “Se7en”, “Glory”, e të tjerë.