Anëtari i KAS, Ledio Braho, në një intervistë të dhënë në studion e lajmeve të televizionit Faxneës, foli mbi problamatikat e zgjedhjeve të përgjithshme parlamentare.
Pyetjes së gazetares Rovena Neziri, se a kemi pasur apo jo një masakër zgjedhore më 25 Prill, Braho zgjodhi të mosi përgjigjej me një etiketim të tillë, por theksoi se problematika ka pasur.
Sipas tij problematikat fillojnë që nga përdorimi i aseteve publike nga partia në pushtet, votimi i shumëfishtë i evidentuar në disa qendra votimi dhe deri tek shitblerja e votës.
Të gjitha këto raste duhet të ishin sipas Brahos pjesë e një hetimi më të thellë nga prokuroria, por edhe nga ana e Komisionit të Ankesave dhe Sanksioneve në KQZ.
“Në gjykimin tim patjetër që ka pasur problematika më 25 Prill. Ka pasur problematika të cilat duhet të hetosheshin më tej.
Ka pasur pretendime nga opozita si dhe ka pasur një sërë denoncimesh në prokurori të cilat duhet të ishin objekt hetimi.
Duhet të pranojmë që nuk u arrit të vendosej një standart për zgjedhjet. KAS- kishte mundësinë që në fillim të vendoste një standart për përdorimin e aseteve në zgjedhje, por që në atë sipërmarrje të parë të KAS, rrëzoi akuzat e opozitës.
Më tej nëse ka pasur shitblerje të votës është diçka që duhet të veprojë sa më shpejt prokuroria dhe dosjet mos të kenë fatin e atyre të Dibrës dhe të Durrësit.
Për sa i përket votimit të shumfishtë kemi rste të cilat janë evidentuar dhe që nuk janë hetuar nga prokuroria. Sot nuk kemi asnjë produkt. Në qarkun e Gjirokastër kemi të evidentuar një rast ku një person voton dhe si komisioner dhe si zgjedhës.
Unë shkakun kryesor për pavlefshmërinë e fletvotimeve e gjej te vështirësitë e fletës së votimit. Numri i lartë i fletëvotimeve lidhet me votimin me numra, pasi zgjedhësi do ta kishte më të lehtë nëse do të zgjidht me emra”, tha Braho.
