Klubet turke “shënjestrojnë” Partizanin, pas Çinarit gati të marrin edhe yllin e mesfushës

Esat Mala është kontaktuar nga Samsunspor në Turqi. Mesfushori 22 vjeçar ka edhe një muaj kontratë me Demat, teksa nuk ka rinovuar ende me klubin.

Prizrenasi tanimë po shqyrton ofertën nga jashtë vendin, me skuadrën turke që pak ditë më parë konfirmoi transferimin e Çinarit, po nga Partizani.

Duket se lojtarët shqiptarë janë kthyer në “modë” në Turqi, teksa pas Abazajt, Rrocës, Et’hemit apo Selmanit dhe Domgjonit, është radha e skuadrës së Partizanit që të furnizojë ligën e parë në Turqi.

Klubi i kuq duket se nuk do përfitojë asgjë nga këto lëvizje, pasi lojtarët janë në fund-kontrate.