Gjermania është duke u hapur sërish gradualisht ndërsa agjencia shtetërore për kontrollin e sëmundjeve, instituti Robert Koch konfirmoi se vala e tretë e virusit është shuar.
Sipas këtij instituti, numri i rasteve të reja është më i ullti i regjistruar ndonjëherë që nga vjeshta. Thuajse një e pesta e të gjithë gjermanëve janë tashmë të vaksinuar dhe rreth 900,000 deri në 1 milionë doza injektohen çdo ditë.
Megjithatë, virologët vijojnë të bëjnë thirrje për kujdes pasi derisa 70 për qind e popullsisë t’i ketë marrë të dyja dozat, situata mbetet delikate.
Ndër masat e shumë pritura të lehtësimit të kufizimeve që po ndodhin në Berlin nga e premtja janë rihapja e palestrave dhe pishinave, si dhe restoranteve dhe bareve, megjithëse institucionet me shërbim si brenda ashtu edhe jashtë do të duhet të kërkojnë një rezultat negativ nga klientët nëse ata dëshirojnë t’i hapin të dyja zonat.
