Asamblea Kombëtare e PS-së zhvilloi sot mbledhjen e saj online, ndërsa ajo u drejtua nga Taulant Balla, në mungesë të Kryeministrit Edi Rama.
Sekretari i Përgjithshëm, i PS tha se më 25 prill kjo parti mund të kishte 78-mandate në Parlamentin e ardhshëm, nëse një pjesë e qytetarëve nuk do të kishin votuar gabim për emrin e kandidatëve, duke e bërë fletën e votimit të pavlefshme.
“PS do të kishte pasur 78 mandate nëse ato katër mandatet nuk do të kishin humbur për shkak të votave të pavlefshme të qytetarëve që kishin zgjedhur 12-ën, por kishin zgjedhur një kandidat jo nga lista e PS”, deklaroi Balla.
Gjatë fjalës së tij Balla bëri me dije dhe kohën e mbajtjes së zgjedhjeve vendore, ku theksoi se Partia Socialiste duhet të fillojë përgatitjet për zjedhjet lokale të vitit 2023.
“Të bëhemi gati për zgjedhjet vendore më 2023 dhe zgjedhjet parlamentare 2025. Duhet të forcojmë organizatat socialiste, që jo në të gjithë vendin kishin efektivitetin e duhur. Kjo asamble do të thërrasë Kongresin për nisjen e një fushate të madhe hapjeje të PS. Më të madhen dhe realen që PS ka ndërmarrë në shumë vite”, u shpreh Balla.
Ndërkohë lidhur me zgjedhjet lokale pritet një vendim nga Gjykata Kushtetuese, e cila nëse rrëzon procesin e mbajtur më 30 qershor 2019, ku opozita e bashkuar nuk mori pjesë në zgjedhje, atëherë kryetarët e emëruar të Bashkive, do të duhet të lenë detyrat dhe do të ketë një përsëritje të zgjedhjeve.
DENONCO