FOTO/ Me listë vdekjeje me vete, ushtria në kërkim të “Rambos”

Forcat speciale të Belgjikës dhe ushtria janë prej disa ditësh në kërkim të një ushtari, i cili është arratisur duke marrë me vete armë të rënda, ndërsa ka publikuar edhe një listë vdekjeje.

Lista e personave që ai deklaron se do t’i vrasë përbëhet nga 10 persona dhe mes tyre është pikërishte dhe ish-bashkëshortja e tij, raporton abcnews.al.

Autoritetet janë të shqetësuara pasi ushtari ka një përgatitje të lartë është mjaft i stërvitur për të shkaktuar një kasaphanë të vërtetë nëse vendos që të veprojë për të eliminuar njerëz.

Mësohet se në momentin e arratisjes nga reparti ai ka marrë me vete armë automatike dhe një sistem anti-tank duke bërë që të shqetësohen jo pak edhe vetë strukturat e ushtrisë.

Jürgen Conings, i njohur edhe si “Rambo i Belgjikës” është 46 vjeç dhe përbën një ndër sfidat më të mëdha për policinë lokale gjatë viteve të fundit. /abcnews.al