Zgjedhjet në PD, Harxhi: Pse Basha shmang debatin me kandidatët

Edith Harxhi, kandidate për kryetare të PD, mohoi kategorikisht një mundësi bashkëpunimi me Kryeministrin Edi Rama.

Harxhi tha se nuk priste që Lulzim Basha të ofronte datën e mbajtjes së zgjedhjeve për kreun e PD më 13 qershor, duke e afruar me mbi 1 muaj nga data kur duhej të mbaheshin zgjedhjet.

“Prisja që zgjedhjet të mbaheshin në shtator, pasi më parë të zhvillohej një analizë mbi humbjen e zgjedhjeve nga PD më 25 qershor”, tha Harxhi në emisionin A-Show në Syri Tv.

Kandidatja për postin e kreut të PD tha se ajo nuk guxon vetëm kundër Lulzim Bashës, por kundër të gjithë atyre që kanë kapur shtetin.

“Do vijoj me turin e takimeve në bazën e partisë deri më 13 qershor. Do të ketë vetëm fushatë. Kam ftuar publikisht Lulzim Bashën në një debat publik dhe nuk ka pranuar. jam gati që debati të zhvillohet kudo, në studiot e Tv apo përballë demokratëve”, tha Harxhi.