Kapet me 30 kg marijuanë në makinë, arrestohet 40-vjeçari në kufi

Policia e Kosovës, ka arrestuar një 40-vjeçar pasi u kap me 30 kg marijuanë.

Burimet policore bëjnë me dije se shtetasi, F.K, vinte nga Shqipëria drejt Kosovës dhe gjatë kontrollit në bagazhin e automjetit u zbulua dhe u sekuestrua një sasi droge.

Njoftimi paraprak

“F.K, vinte nga Shqipëria drejt Kosovës dhe në kontroll iu zbulua nën gomën rezervë në bagazhin e automjetit sasi e drogës.

Ai u arrestua teksa droga u sekuestrua.

Bazuar në bashkëpunimin e Drejtorisë për hetimin e trafikimit me narkotik dhe Policisë Kufitare të Kosovës, automjeti është përzgjedhur për kontroll të vijës së dytë nën dyshimin e posedimit të substancave narkotike. Asistencë relevante për identifikimin e substancës narkotike ka ofruar edhe Policia Kufitare e Shqipërisë me ç’rast, nën rrotën rezervë në bagazh është detektuar një bunker i dyshuar”, thuhet në njoftimin e Policisë së Kosovës.