Emrat/ U kapën me 4.6 kg tritol dhe C4, kush janë 3 të arrestuarit

Policia arrestoi sot 3 persona, ndërsa sekuestroi një sasi prej 4.6 kg lëndë eksplozive tritol dhe C4, municion luftarak, granata dore dhe kapsolla detonatore.

Sipas komunikatës zyrtare të policisë bëhet me dije se në lidhje me këtë aktivitiet kriminal janë arrestuar tre persona, njëri prej tyre me precedentë të mëparshëm penal.

Në pranga kanë përfunduar shtetasit: Barim Flora, 42 vjeç, banues në Tiranë, i dënuar më parë për veprat penale “Armëmbajtja pa leje” dhe “Vjedhja”; Ardjan Gjoka, 33 vjeç dhe Jemin Flora, 33 vjeç, banues në Tiranë.

Arrestimi i personave të lartpërmendur u bë në flagrancë në autostradën Tiranë-Durrës.

Nën thirrjet ‘Policia! Policia kapi’, ekfektivët kanë neutralizuar personat e përfshirë në aktivitetin kriminal.