Asteroidi i rrezikshëm do t’i afrohet sot Tokës, NASA në gatishmëri të plotë

Një asteroid i madh pritet të kalojë sot mjaft afër Tokës në rreth 4.5 milion milje (7.2 milion kilometra), sipas Laboratorit të Jet Propulsionit të NASA-s .

Ky asteroid, i quajtur 2021 KT1, është rreth 183 metra.  Sipas Usatoday, NASA e ka kategorizuar  asteroidin si “objekt potencialisht të rrezikshëm”, sepse ka një madhësi që tejkalon 150 metra dhe ndodhet 7.4 milion kilometra nga planeti ynë.

Sipas NASA-s, asteroidi do të kalojë afër Tokës me një shpejtësi prej 64,300 km/h. Edhe pse objekti qiellor nuk pritet të godasë Tokën, NASA e ka vendosur atë nën mbikëqyrje.

NASA i përcakton asteroidët si  fragmente shkëmbore të mbetura nga formimi i sistemit diellor rreth 4.6 miliardë vjet më parë.

Shumica e asteroideve në sistemin tonë diellor janë në orbitë midis Marsit dhe Jupiterit. NASA thotë se numri i njohur i asteroideve është 1,085,916 . Astronomët thonë se ato ndryshojnë në madhësi nga një gjysmë milje e gjerë në qindra milje në diametër.