Trupat pa kokë të 17 njerëzve janë gjetur sot në varreza romake të pikasura në një fermë në Somersham, Cambridgeshire, Angli.
Zbulimi u bë ndërsa disa arkeologë dhe punonjës në ndihmë të tyre, ishin duke gërmuar në fermën ku kishin pasur të dhënat për varreza të Perandorisë Romake.
Në të u gjetën 52 skeletët e 52 personave të vdekur, por te 17 prej tyre ishin prerë kokat.
Për zbuluesit ky fakt është një mister dhe në lojë u futën menjëherë edhe studiuesit në Universitetin e Kembrixhit:
Për ta lind pyetja: Çfarë ndodhi në Somersham në shekullin e tretë pas Krishtit që rezultoi në prerjen e kokave të 17 njerëzve?
Përvoja ka treguar se në Perandorinë Romake (753 para Krishtit deri rreth vitit 480 Pas Krishtit) njerëzit u ekzekutuan në rituale fetare – ose sepse kishin kryer krime.
Lloji i varrimit në Somersham sugjeron, sipas arkeologëve, që ata mund të kenë qenë kriminelë, sepse 13 nga të gjeturit ishin varrosur me fytyrë poshtë – një shenjë që tregonte se të gjallët që i varrosën ishin të turpëruar nga të vdekurit.
DENONCO