Prokuroria e Posaçme Kundër Korrupsionit Krimit të Organizuar kërkoi 3 javë më parë rihapjen e hetimeve për ish-ministrin e Mbrojtjes, Fatmir Mediu, për shpërthimin tragjik të demontimit të municioneve të Gërdecit.
Kjo çështje do të shkojë në Gjykatën e Lartë, ndërsa mësohet se relator i çështjes do të jetë Ilir Panda.
Më 6 maj të këtij viti, SPAK njoftoi se është arritur në përfundimin se ekzistojnë të gjitha shkaqet ligjore që të rihapet procesi gjyqësor nga Gjykata e Lartë për ish-ministrin Mediun.
Ish-ministri tha se rihapja e hetimeve po bëhet nga politika, sepse sipas tij, në Shqipëri nuk ka më as institucione dhe Kushtetutë.
Mediu tha se s’ka pasur lidhje me këtë ngjarje edhe pse ishte ministër i Mbrojtjes dhe i gjithë aktiviteti ushtrohej nën prozhektorët qeveritarë.
Nga shpërthimi i fuqishëm i 15 marsit të vitit 2008 rreth orës 12:05, humbën jetën 26 persona, e ndërsa u plagosën mbi 300 të tjerë.
