Nexhipi drejt largimit/ Kukësi në kërkim të drejtorit të ri sportiv, garën e kryeson ish-bomberi kroat

Kukësi i sezonit të ardhshëm pritet të vijë me ndryshime të mëdha. Dhe duket se lëvizja e parë do të ndodhë pikërisht në një post drejtues, siç është ai i drejtorit sportiv.

Nderim Nexhipi është thuajse i larguar nga verilindorët, edhe pse në klub nuk ka ende një konfirmim zyrtar për këtë çështje.

Në skenë për momentin ka dalë një ish-futbollist, kroati Pero Pejiç. Burime të besueshme të “Panorama Sport” pranë kampit kuksian pohojnë se e shohin kroatin një alternativë të mundshme për të zënë vendin e Nexhipit dhe t’i japin në dorë “çelësat” e merkatos.