Erald Çinari do të largohet nga Partizani dhe tashëm kjo është e sigurt. Sulmuesi shkodran do të vazhdojë karrierën e tij në Turqi, te skuadra e Samsunspor.
Së fundmi ka qenë vetë presidenti i klubit turk, Yuksel Yildirim, që nëpërmjet një interviste të dhënë për mediat e vendit të tij, ka konfirmuar se është arritur marrëveshja për afrimin e Çinarit.
Gjithashtu ai ka konfirmuar se ka pasur një takim me lojtarin dhe javën e ardhshme pritet të vijë zyrtarizimi i kësaj lëvizje.
